गदिमा नवनित
  • या वस्त्रांते विणतो कोण?,एकसारखी नसती दोन
    कुणा न दिसले त्रिखंडात त्या हात विणकर्‍याचे
मराठी युनिकोड फॉन्ट
गीतरामायण (आकाशवाणी,संगीत:सुधीर फडके | Geetramayan (Akashwani)
  • आपल्या सगळ्यांचे लाडके गीतरामायण ६० व्या वर्षात (हीरकमहोत्सवी) पदार्पण करीत आहे,महाकवी ग.दि.माडगूळकर व संगीतसुर्य सुधीर फडके यांच्या अलौकिक प्रतिभेतून साकारलेल्या गीतरामायणाची वाटचाल १ एप्रिल १९५५ रोजी पुणे आकाशवाणी पासून सुरु झाली.

    आज साठ वर्षे झाली तरीही रेडिओ, ग्रामोफोन, वृत्तपत्रे, कॅसेट, टेलिव्हीजन, संगणक, सीडी, इंटरनेट,फेसबुक,मोबाईल अ‍ॅप या सर्वच माध्यमातून यशस्वीपणे प्रवास करणारा हा एकमेव कलाविष्कार असावा!.

    गदिमा व बाबुजींबरोबर गीतरामायणाच्या निर्मितीत ज्या महान कलाकारांचा वाटा आहे त्यांचा उल्लेख करणे आज अपरिहार्य आहे,संयोजक सिताकांत लाड,गायक-गायिका माणिक वर्मा,लता मंगेशकर,ललिता फडके,मालती पांडे,वसंतराव देशपांडे,गजाननराव वाटवे,राम फाटक,व्ही.एल.इनामदार,सुरेश हळदणकर,बबनराव नावडीकर,चंद्रकांत गोखले,प्रमोदिनी जोशी,मंदाकिनी पांडे,योगिनी जोगळेकर,कुमुदिनी पेडणेकर,सुमन माटे,जानकी अय्यर,संगीत संयोजक प्रभाकर जोग व सौ.जोग,वादक अप्पा इनामदार,अण्णा जोशी,केशवराव बडगे व अनेक दिग्गज कलाकारांच्या अथक प्रयत्नातच गीतरामायणाचे यश सामावले आहे.
  • Box-C-19
  • आज कां निष्फळ होती बाण ?
    Aaj Ka Nishphal Hoti Baan

  • गीतकार: ग.दि.माडगूळकर      Lyricist: Ga.Di.Madgulkar
  • संगीतकार: सुधीर फडके      Music Composer: Sudhir Phadke
  • गायक: सुधीर फडके      Singer: Sudhir Phadke
  • अल्बम: गीतरामायण (आकाशवाणी)      Album: GeetRamayan (Akashwani)





  •     MP3 player is mobile compatible
        (हा प्लेअर मोबाईल वर पण चालतो)
  • आज कां निष्फळ होती बाण ?
    पुण्य सरें कीं सरलें माझ्या बाहूंमधलें त्राण ?

    शरवर्षावामाजीं दारुण
    पुन्हां तरारे तरुसा रावण
    रामासन्मुख कसे वांचती रामरिपूचे प्राण ?

    चमत्कार हा मुळिं ना उमजे
    शीर्ष तोडितां दुसरें उपजें
    रावणांग कीं असे कुणी ही सजिव शिरांची खाण ?

    शत शिर्षे जरि अशीं तोडिलीं
    नभीं उडविलीं, पदीं तुडविलीं
    पुन्हां रथावर उभाच रावण, नवें पुन्हां अवसान

    इंद्रसारथे, वीर मातली
    सांग गूढता मला यांतली
    माझ्याहुन मज असह्य झाला विद्येचा अपमान

    वधिला खर मी, वधिला दूषण
    वधिला मारिच, विराध भीषण
    हेच बाण ते केला ज्यांनी वाली क्षणिं निष्प्राण

    ज्यांच्या धाकें हटला सागर
    भयादराचे केवळ आगर
    त्या भात्यांतच विजयि शरांची आज पडे कां वाण ?

    सचैल रुधिरें न्हाला रावण
    सिंहापरी तरि बोले गर्जुन
    मलाहि ठरला अवध्य का तनुधारी अभिमान ?

    सचिंत असतिल देव, अप्सरा
    सुचेल तप का कुणा मुनिवरा ?
    व्यर्थच झालें काय म्हणूं हें अवघें शरसंधान ?


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी | Related Marathi Songs