गदिमा नवनित
  • दैवजात दु:खें भरतां दोष ना कुणाचा
    पराधीन आहे जगती पुत्र मानवाचा
मराठी युनिकोड फॉन्ट
गदिमांच्या कविता | Gadima Poems
  • वि.वा शिरवाडकर:
    माडगूळकरांची कविता मराठी मातीतून उगवलेली,अस्सल मराठी रुपाची,कलदार शैलीची आणि कसदार आशयाची आहे.शब्दांच्या आणि छंदाच्या राज्यातील तर ते स्वामीच होते.
  • Box-C-28
  • मातृवंदना
  • Matruvandana
  • ग.दि.माडगूळकर(गदिमा) | Ga.Di.Madgulkar


  •  

    दिला जन्म तू,विश्व हे दाविलेस
    किती कष्ट माये,सुखे साहिलेस,
    जिण्यालागि आकार माझ्या दिलास
    तुझ्या वंदितो माउली,पाउलांस

    गुरु आद्य तू,माझिया जीवनात
    तुवा पेरिली धर्मबीजे मनात,
    प्रपंचात सत्पंथ तू दाविलास
    तुझ्या वंदितो माउली,पाउलांस

    तुझा कीर्तिविस्तार माझा प्रपंच
    कृपेने तुझ्या

    रंगला रंगमंच,
    वठे भूमिका पाठ जैसा दिलास
    तुझ्या वंदितो माउली,पाउलांस

    तुझे थोर संस्कार आचार झाले
    तुझे यत्नप्रामाण्य सिध्दीस गेले,
    तुझ्या चिंतने,लोभ पावे निरास
    तुझ्या वंदितो माउली,पाउलांस

    उमेचे,रमेचे,तसे शारदेचे
    जपध्यान तैसे तुझे जन्मदेचे,
    तुझ्या प्रेरणेने यशस्वी प्रवास
    तुझ्या वंदितो माउली,पाउलांस


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems