गदिमांच्या कविता | Gadima Poems
  • वि.वा शिरवाडकर:
    माडगूळकरांची कविता मराठी मातीतून उगवलेली,अस्सल मराठी रुपाची,कलदार शैलीची आणि कसदार आशयाची आहे.शब्दांच्या आणि छंदाच्या राज्यातील तर ते स्वामीच होते.
  • Box-C-28
  • पर्गती ?
  • Pargati
  • ग.दि.माडगूळकर(गदिमा) | Ga.Di.Madgulkar


  •  

    धानू शिरपती,
    कुठ कशाची झाली रं पर्गती?
    गाडी बी तीच
    गडी बी तेच
    बैल बी तेच
    कासरा त्योच
    सैल
    मग बदललं ते काय?
    बैलाचे पाय?
    उजव्या अंगाचा भादा बैल,
    डाव्या अंगाला आला
    पर,
    त्याने बदल रं काय झाला?


    आता बसनारांना वाटतंय
    जत्रा माघारी निघाली
    माझं म्हननं
    ही मजलच अवघड हाय
    हे वझं जिवापरीस जड हाय
    गाडी बी नवी बांधाय हुवी
    रस्ता बी नवा कराय होवा
    ताजीतवानी खोंडं जुपली
    त कुनाला ठावं
    जाईल गाडी सरळ
    पर हे कुनी करायचं?
    कसं करायचं?
    पयला गाडीवान म्हनायचा
    जल्दी जल्दी
    आताचा बी म्हनतोय
    जल्दी जल्दी
    वाट बदलत न्हाई
    बैल हालत नाही
    धानू शिरपती
    ही कसली गा क्रांती?


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems