गदिमांच्या कविता | Gadima Poems
  • वि.वा शिरवाडकर:
    माडगूळकरांची कविता मराठी मातीतून उगवलेली,अस्सल मराठी रुपाची,कलदार शैलीची आणि कसदार आशयाची आहे.शब्दांच्या आणि छंदाच्या राज्यातील तर ते स्वामीच होते.
  • Box-C-28
  • माझा गांव
  • Maze Gaon
  • ग.दि.माडगूळकर(गदिमा) | Ga.Di.Madgulkar


  •  

    नजिक नाझरें श्रीधर कविंचे,नदी माणगंगा
    नित्य नांदते खेडे माझें धरुनि संतसंगा
    तिळही नाही खेड्याला या पहिला इतिहास
    शिल्पकलेची ताम्रपटाची कशास मग आस?

    इथे न नांदे शिवशाहीचा संबधीं वंश
    गर्व-सर्प या करुं न शकला ओझरता दंश!
    निळा जलाशय नाहीं येथे,नाहीं उद्यान
    अन्नासाठीं

    मात्र हिरवळे भंवतीचे रान!

    अधुनिकतेचा नाहीं येथिल वास्तूंना वास
    धाब्यावरती घरें बसविती उन्हा-पावसास
    कष्टासाठीं दिवस येथला येतो उदयास
    रात येतसे थकलेल्यांना निद्रा देण्यास

    जाति जमाती इथें जन्मती सुखें नांदण्यास
    पिरास करतो नवस मराठा,मियां मारुतीस
    मायबोलिहुन नाहीं दुसर्‍या भाषेला वाव
    व्याकरणाविण इथें बोलती ह्रदयाचे भाव!

    नडित नाहीं अज्ञनांना पदोपदीं ज्ञान
    अनुभव आणिक वार्धक्याला मात्र इथें मान
    न्यायासाठी पांच मुखांचा परमेश्वर बोले,
    गावांमागुन इथें व्यक्तिची निर्भयता चाले.

    अवजड मोटा खिलार खोंडे सहज ओढतात
    अवजड ओझें संसाराचे तरुण वाहतात!
    थकले नंदी अलगद नेती खडकांतुन गाडी
    म्हातार्‍यांचा अनुभव नेई पुढें गांवगाडी

    सातार्‍याचे पोर मात्र हे घडतांना क्रांति
    उघड दाखवी भूमिगाच्या कार्यावर प्रीति
    दिला आसरा उरीं कितीदां मर्द जवानांना
    भूमीवर या स्वैर हिंडले भूमीगत नाना

    कितिदां शिजले बेत येथल्या बामणवाड्यांत
    याच गांवाचे नांव जाहलें अमर पवाड्यांत
    प्रतिराज्याच्या प्रचारयंत्रीं भरुनिया जाग

    नसौ नाहिं तर या खेड्याला पहिला इतिहास
    सुपूत त्याचे उजळूं आम्ही नव्या भविष्यास!
    फडकत राहो असाच येथें झेंडा तिनरंगा
    नित्य नांदो खेडें माझें धरुन संतसंगा!


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems
गीतरामायण अॅप | GeetRamayan App
  • "गीतरामायण" आता ध्वनी व लिखित स्वरुपात गुगल प्ले/प्लेस्टोअर (Google Play/Play Store) वर अँड्रॉइड अॅप्लिकेशनच्या च्या स्वरुपात उपलब्ध आहे!.
    आजच डाऊनलोड करा

    GeetRamayan application now available on android phones,now enjoy geetramayan songs in audio and text on your mobile,for more details click on following link Download Link
  • Box-RB-1