गदिमा नवनित
  • जोंवरि हें जग, जोंवरि भाषण
    तोंवरि नूतन नित रामायण
मराठी युनिकोड फॉन्ट
गदिमांच्या कविता | Gadima Poems
  • वि.वा शिरवाडकर:
    माडगूळकरांची कविता मराठी मातीतून उगवलेली,अस्सल मराठी रुपाची,कलदार शैलीची आणि कसदार आशयाची आहे.शब्दांच्या आणि छंदाच्या राज्यातील तर ते स्वामीच होते.
  • Box-C-28
  • गृहसाम्राज्य
  • Grihasamrajya
  • ग.दि.माडगूळकर(गदिमा) | Ga.Di.Madgulkar


  •  

    तुझी माझी राजधानी
    सौख्यशांतीचें नगर,
    माझा प्रकाश दाहक,
    तुझी चंद्राची नजर.
    तुझा माझा राजवाडा,
    वर सोन्याचे मिनार,
    माझें पाषाणाचे मन.
    तुझी दानत उदार.
    तुझा माझा रत्नकोष
    भरे कुबेरभांडार,
    माझे प्रखर हीरक,
    तुझे पैलू हळूवार.
    तुझी माझी गजशाला,


    इंद्र हेवा करी वर.
    माझा देह दाणगट,
    तुझी चाल दमदार.
    तुझी माझी फुलबाग
    समाधानाचे उद्यान,
    माझा स्वभाव ग्रीष्माचा,
    तुझा श्रीमंत श्राचण.
    तुझी माझी राजवट,
    प्रजा नांदते सुखांत.
    माझा अवखळ राग,
    तुझे दयामय हात.
    तुझे माझे सिंहासन,
    प्रभा फांको सभोंवार
    वर किर्तीची कमान,
    खालीं पुरुषार्थ चार.


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी-कविता | Related Songs-Poems