गदिमांच्या कविता | Gadima Poems
  • वि.वा शिरवाडकर:
    माडगूळकरांची कविता मराठी मातीतून उगवलेली,अस्सल मराठी रुपाची,कलदार शैलीची आणि कसदार आशयाची आहे.शब्दांच्या आणि छंदाच्या राज्यातील तर ते स्वामीच होते.
  • Box-C-28
  • एक पांखरु
  • Eka Pakharu
  • ग.दि.माडगूळकर(गदिमा) | Ga.Di.Madgulkar


  •  

    ऐन वयाच्या वसंतकाली
    फिरे सुरंगी कळ मखमाली

    सादावांचुन उभवित पंख
    कळीकळीवर मारी डंख
    आकाराविन दिसे पांखरु

    हळूंच लागे गंध पोखरुं!

    अलगद टाकी नसतां भार
    चपल पापणी लवली पार

    गाली बसले केवी उठवूं?
    फुलती

    लज्ला कैसी मिटवूं?

    मनांत शिरला बाई चोर
    शहारले मी नवखी पोर

    वक्षी त्याची चरणें रुपती
    कमलकळ्यांची अग्रे दुखती

    कटि कंपित हो,गळले पाय
    वेल पांखरा भ्याली काय?

    एक पांखरु बाग थरकवी
    पीडा देतच,फुले हरखवी!


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems