गदिमांच्या कविता | Gadima Poems
  • वि.वा शिरवाडकर:
    माडगूळकरांची कविता मराठी मातीतून उगवलेली,अस्सल मराठी रुपाची,कलदार शैलीची आणि कसदार आशयाची आहे.शब्दांच्या आणि छंदाच्या राज्यातील तर ते स्वामीच होते.
  • Box-C-28
  • कुंभारा सारखा गुरु नाही रे जगात
  • Kumbhara Sarakha Guru Nahi Re Jagat
  • ग.दि.माडगूळकर(गदिमा) | Ga.Di.Madgulkar


  •  

    कुंभारा सारखा गुरु नाही रे जगात
    वर घालितो धपाटा,आत आधाराचा हात.

    आधी तुडवी तुडवी मग हाते कुरवाळी
    ओल्या मातीच्या गोळयाला येई आकृती वेगळी
    घट जाती थोराघरी,घट जाती राऊळात.

    कुणी चढून बसतो गावगौरीच्या मस्तकी
    कुणी मद्यपात्र होतो रावराजाच्या हस्तकी
    आव्यातली

    आग नाही पुन्हा कुणी आठवत.

    कुणी पूजेचा कलश,कोणी गोरसाचा माठ
    देता आकार गुरुने,जयाची त्याला लाभे वाट
    घट पावती प्रतीष्ठा गुरु राहतो अज्ञात.


गदिमा गौरव | Special Quotes
  • लेखक पु.भा.भावे:
    वास्तवतेतील गूढत्व व साधुत्व पाहावयासही माणसापाशी एक दृष्टी असावी लागते.माडगूळकरांचे पाशी ही दुर्मिळ दृष्टी आहे.ते नुसते आकाशाकडे पाहत नाहींत तर आकाशतत्त्वाकडे पाहतात.ह्या तात्त्विक दृष्टीनेच त्यांना आशयसंपन्न कथाचित्रे काढण्याचे सामर्थ्य दिले-अगदी दिवाकर कृष्णांपासून चालत आलेली चांगल्या कथांची परंपरा आज श्री.माडगूळकर चालवीत आहेत.
संबंधीत गाणी-कविता | Related Songs-Poems