गीतरामायण शब्द | GeetRamayan Lyrics
  •  
  • Box-C-29
  • 03)उगा कां काळिज माझें उले
  • Uga Ka Kalij Maze Ule
  • ग.दि.माडगूळकर(गदिमा) | Ga.Di.Madgulkar


  •  

    उगा कां काळिज माझें उले ?
    पाहुनी वेलीवरचीं फुलें

    कधी नव्हे तें मळलें अंतर
    कधीं न शिवला सवतीमत्सर
    आज कां लतिकावैभव सले ?

    काय मना हें भलतें धाडस ?
    तुला न आवडे हरिणी-पाडस
    पापणी वृथा भिजे कां जलें ?



    गोवत्सांतिल पाहुन भावां
    काय वाटतो तुजसी हेवा ?
    चिडे कां मौन तरी आंतलें ?

    कुणी पक्षिणी पिलां भरविते
    दृश्य तुला तें व्याकुळ करितें
    काय हें विपरित रे जाहलें ?

    स्वतःस्वतःशीं कशास चोरी ?
    वात्सल्याविण अपूर्ण नारी
    कळालें सार्थक जन्मांतले

    मूर्त जन्मते पाषाणांतुन
    कौसल्या का हीन शिळेहुन ?
    विचारें मस्तक या व्यापिलें

    गगन अम्हांहुनि वृद्ध नाहि का ?
    त्यांत जन्मती किती तारका !
    अकारण जीवन हें वाटलें


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems