गदिमा नवनित
  • या वस्त्रांते विणतो कोण
    एकसारखी नसती दोन
    कुणा न दिसले त्रिखंडात त्या, हात विणकर्‍याचे
मराठी युनिकोड फॉन्ट
गीतरामायण शब्द | GeetRamayan Lyrics
  •  
  • Box-C-29
  • 05)दशरथा घे हें पायसदान
  • Dashratha Ghe He Payas Daan
  • ग.दि.माडगूळकर(गदिमा) | Ga.Di.Madgulkar


  •  

    दशरथा, घे हें पायसदान
    तुझ्या यज्ञिं मी प्रगट जाहलें हा माझा सन्मान

    तव यज्ञाची होय सांगता
    तृप्त जाहल्या सर्व देवता
    प्रसन्न झाले नृपा तुझ्यावर, श्रीविष्णू भगवान

    श्रीविष्णूंची आज्ञा म्हणुनी
    आलों मी हा प्रसाद घेउनि
    या दानासी या दानाहुन अन्य

    नसे उपमान

    करांत घे ही सुवर्णस्थाली
    दे राण्यांना क्षीर आंतली
    कामधेनुच्या दुग्धाहुनही, ओज हिचे बलवान

    राण्या करतिल पायसभक्षण
    उदरीं होईल वंशारोपण
    त्यांच्या पोटीं जन्मा येतिल, योद्धे चार महान

    प्रसवतील त्या तीन्ही देवी
    श्रीविष्णूंचे अंश मानवी
    धन्य दशरथा, तुला लाभला, देवपित्याचा मान

    कृतार्थ दिसती तुझीं लोचनें
    कृतार्थ मीही तुझ्या दर्शनें
    दे आज्ञा मज नृपा, पावतो यज्ञीं अंतर्धान


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems