गदिमा नवनित
  • वाईट तितुके इथे पोसले, भलेपणाचे भाग्य नासले
    या पृथ्वीच्या पाठीवर, ना माणसास आधार!
मराठी युनिकोड फॉन्ट
गीतरामायण शब्द | GeetRamayan Lyrics
  •  
  • Box-C-29
  • 11)आज मी शापमुक्त जाहले
  • Aaj Me Shaap Mukta Jahale
  • ग.दि.माडगूळकर(गदिमा) | Ga.Di.Madgulkar


  •  

    रामा, चरण तुझे लागले
    आज मी शापमुक्त जाहलें

    तुझ्या कपेची शिल्प-सत्कृति
    माझी मज ये पुन्हां आकृति
    मुक्त जाहले श्वास चुंबिती पावन हीं पाउलें

    पुन्हां लोचनां लाभे दृष्टि
    दिसशी मज तूं, तुझ्यांत सृष्टि
    गोठगोठले अश्रू तापुन गालांवर वाहिले

    श्रवणांना ये पुनरपि शक्ति
    मनां उमगली अमोल उक्ति
    "ऊठ अहल्ये"- असें कुणीसें करुणावच बोललें

    पुलकित झालें शरिर ओणवें
    तुझ्या पदांचा स्पर्श जाणवे
    चरणधुळीचे कुंकुम माझ्या भाळासी लागलें

    मौनालागी स्फुरलें भाषण
    श्रीरामा, तूं पतीतपावन
    तुझ्या दयेनें आज हलाहल अमृतांत नाहलें

    पतितपावना श्रीरघुराजा !
    काय बांधुं मी तुमची पूजा
    पुनर्जात हें जीवन अवघें पायांवर वाहिले


गदिमा गौरव | Special Quotes
  • यशवंतराव चव्हाण
    गदिमांच्या काव्यप्रतिभेवर प्रसन्न होऊन..'मी जर राजा असतो तर कविवर्यांच्या हाती सोन्याचे कडं चढवलं असतं.'
संबंधीत गाणी-कविता | Related Songs-Poems