गीतरामायण शब्द | GeetRamayan Lyrics
  •  
  • Box-C-29
  • 13)व्हायचे राम अयोध्यापति
  • Vhayche Ram Ayodhyapati
  • ग.दि.माडगूळकर(गदिमा) | Ga.Di.Madgulkar


  •  

    आनंद सांगूं किती सखे ग आनंद सांगू किती
    सीतावल्लभ उद्यां व्हायचे राम आयोध्यापति

    सिंहासनिं श्रीराघव बसतां
    वामांगी तूं बसशील सीता
    जरा गर्विता, जरा लज्जिता
    राजभूषणां भूषवील ही, कमनिय तव आकृति

    गुरुजन मुनिजन समीप येतिल
    सप्त नद्यांचीं जलें शिंपतिल


    उभय कुळें मग कृतार्थ होतिल
    मेघाहुनिही उच्चरवांनी, झडतिल गे नौबति

    भर्त्यासम तुज जनीं मान्यता
    राज्ञीपद गे तुला लाभतां
    पुत्राविण तूं होशील माता
    अखिल प्रजेच्या मातृपदाची, करणे तुज स्वीकृति

    तुझ्याच अंकित होइल धरणी
    कन्या होइल मातृस्वामिनी
    भाग्य भोगिलें असलें कोणीं ?
    फळाफुलांनी बहरुनि राहिल, सदा माउली क्षिति

    पतीतपावन रामासंगें
    पतितपावना तूंही सुभगे
    पृथ्वीवर या स्वर्गसौख्य घे
    त्रिलोकांनधे भरुन राहुं दे, तुझ्या यशाची द्युति

    महाराणि तूं, आम्ही दासी
    लीन सारख्या तव चरणांसी
    कधीं कोणती आज्ञा देसी
    तुझिया चरणीं मग्न राहुं दे, सदा आमुची मति

    विनोद नच हा, हीच अपेक्षा
    तव भाग्याला नुरोत कक्षा
    देवदेवता करोत रक्षा
    दृष्ट न लागो आमुचीच गे, तुझिया भाग्याप्रति

    ओळखिचे बघ आले पदरव
    सांवलींत गे दिसलें सौष्ठव
    तुला भेटण्या येती राघव
    बालिश नयनीं तुझ्या येइ कां, लज्जेला जागृति ?


गदिमा गौरव | Special Quotes
  • पु.भा.भावे
    'मंतरलेल दिवस' वाचून झाले,मस्ती अजून आहे.यातल्या व्यक्ती,स्थळं,उगीचच पुनः पुन्हा डोळ्यांसमोर येतात.अस्वस्थ करतात.चांगलं काही वाचल्यानंतर हे असंच होतं.तीच त्यांच्या सामर्थ्याची पावती.शब्दाशब्दात सातारी मातीचा कस आहे.दुसरे काही बिघडले तरी माडगूळकरांचे आत्मकथनपर लिहिणे कधीही बिघडत नाही !.
संबंधीत गाणी-कविता | Related Songs-Poems
गीतरामायण अॅप | GeetRamayan App
  • "गीतरामायण" आता ध्वनी व लिखित स्वरुपात गुगल प्ले/प्लेस्टोअर (Google Play/Play Store) वर अँड्रॉइड अॅप्लिकेशनच्या च्या स्वरुपात उपलब्ध आहे!.
    आजच डाऊनलोड करा

    GeetRamayan application now available on android phones,now enjoy geetramayan songs in audio and text on your mobile,for more details click on following link Download Link
  • Box-RB-1