गदिमा नवनित
  • "नच स्वीकारा धना कांचना,नको दान रे, नको दक्षिणा
    काय धनाचें मूल्य मुनिजनां ? अवघ्या आशा श्रीरामार्पण"
मराठी युनिकोड फॉन्ट
गीतरामायण शब्द | GeetRamayan Lyrics
  •  
  • Box-C-29
  • 18)थांब सुमंता,थांबवि रे रथ
  • Thamb Sumanta Thambavi Re Rath
  • ग.दि.माडगूळकर(गदिमा) | Ga.Di.Madgulkar


  •  

    राम चालले, तो तर सत्पथ
    थांब सुमंता, थांबवि रे रथ

    थांबा रामा, थांब जानकी
    चरणधूळ द्या धरूं मस्तकीं
    काय घडे हें आज अकल्पित !

    रामराज्य या पुरीं यायचें
    स्वप्न लोचनीं अजुन कालचें
    अवचित झाले भग्न मनोरथ

    गगननील हे, उषःप्रभा ही
    श्रीरघुनंदन, सीतामाई
    चवदा वर्षें का अस्तंगत ?

    चवदा वर्षें छत्रहीनतां
    चवदा वर्षें रात्रच आतां
    उरेल नगरी का ही मूर्च्छित ?

    कुठें लपे ती दुष्ट कैकयी ?
    पहा म्हणावें हीन दशा ही
    अनर्थ नच हा, तुझेंच चेष्टित

    करि भरतातें नृप मातोश्री
    रामा मागें निघे जयश्री
    आज अयोध्या प्रथम पराजित

    पिताहि मूर्च्छित, मूर्च्छित माता
    सोडुन रामा, कोठें जातां ?
    सवें न्या तरी नगर निराश्रित

    ये अश्रूंचा पट डोळ्यांवर
    कोठें रथ तो ? कोठें रघुवर
    गळ्यांत रुतली वाणी कंपित


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems