गदिमा नवनित
  • जोंवरि हें जग, जोंवरि भाषण
    तोंवरि नूतन नित रामायण
मराठी युनिकोड फॉन्ट
गीतरामायण शब्द | GeetRamayan Lyrics
  •  
  • Box-C-29
  • 32)ही तिच्या वेणिंतिल फुले
  • He Tichya Venitil Phule
  • ग.दि.माडगूळकर(गदिमा) | Ga.Di.Madgulkar


  •  

    हीं तिच्या वेणिंतिल फुलें
    लक्ष्मणा, तिचींच ही पाउलें

    एक पदांचा ठसा राक्षसी
    छेदित गेला पदचिन्हांसी
    वादळें तुटली पद्मदलें

    खचित लक्ष्मणा, खचित या स्थलीं
    रात्रिंचर कुणि छळी मैथिली
    जिंकिले सत्वा अंगबलें ?

    दूर छिन्न हें धनु कुणाचें ?
    जडाव त्यावर रत्नमण्यांचे
    कुणाला कोणी झुंजविलें ?

    वैदुर्यांकित कवच कुणाचें ?
    धुळिंत मिळले मणी तयाचे
    राक्षसा कोणीं आडविलें ?

    पहा छत्र तें धूलीधूसर
    मोडुन दांडा पडलें भूवर
    कुणीं या सूतां लोळविलें ?

    प्रेत हो‍उनी पडे सारथी
    लगाम तुटके तसेच हातीं
    तोंड तें रुधिरें भेसुरलें

    पहा रथाचें धूड मोडके
    कणा मोडला, तुटलीं चाके
    बाणही भंवती विस्कटले

    थंड दृष्टिनें न्याहळीत नभ
    मरून थिजले ते बघ रासभ
    कुणाचें वाहन हें असलें ?

    अनुमानाही पडे सांकडें
    कोणी नेली प्रिया ? कुणिकडे ?
    तिच्यास्तव दोघे कां लढले ?

    हृता, जिता वा मृता, भक्षिता
    कैसी कोठे माझी सीता ?
    गूढ तें नाहीं आकळलें

    असेल तेथुन असेल त्यांनी
    परतुन द्यावी रामस्वामिनी
    क्षात्रबल माथीं प्रस्फुरलें

    स्वर्गिय वा तो असो अमानुष
    त्यास जाळण्या उसळे पौरुष
    कांपविन तीन्ही लोक बलें


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems