गीतरामायण शब्द | GeetRamayan Lyrics
  •  
  • Box-C-29
  • 38)हीच ती रामांची स्वामिनी
  • Heech Ti Ramanchi Swamini
  • ग.दि.माडगूळकर(गदिमा) | Ga.Di.Madgulkar


  •  

    हीच ती रामांची स्वामिनी

    चंद्रविरहिणी जणूं रोहिणी
    व्याघ्रींमाजी चुकली हरिणी
    श्येन-कोटरीं फसे पक्षिणी
    हिमप्रदेशीं थिजे वाहिनी

    मलिन, कृशांगी तरी सुरेखा
    धूमांकित कीं अग्‍निशलाका
    शिशिरीं तरिं ही चंपकशाखा
    व्रतधारिणि ही दिसे योगिनी

    रुदनें नयनां येइ अंधता


    उरे कपोलीं आर्द्र शुष्कता
    अनिद्रिता ही चिंताक्रान्ता
    मग्न सारखी पती-चिंतनीं

    पंकमलिन ही दिसे पद्मजा
    खचित असावी सती भूमिजा
    किती दारुणा स्थिती दैवजा !
    अपमानित ही वनीं मानिनी

    असुन सुवर्णा, श्यामल, मलिना
    अधोमुखी ही शशांक-वदना
    ग्रहण-कालिंची का दिग्ललना
    हताश बसली दिशा विसरुनी

    संदिग्धार्था जणूं स्मृती ही
    अन्यायार्जित संपत्ती ही
    अपूर्त कोणी चित्रकृती ही
    परजिता वा कीर्ती विपिनीं

    रामवर्णिता आकृति, मुद्रा
    बाहुभूषणें, प्रवाल-मुद्रा
    निःसंशय ही तीच सु-भद्रा
    हीच जानकी जनक नंदिनी

    असेच कुंडल, वलयें असलीं
    ऋष्यमुकावर होतीं पडलीं
    रघुरायांनी तीं ओळखिलीं
    अमृत-घटी ये यशोदायिनी


गदिमा गौरव | Special Quotes
  • कविवर्य बा.भ.बोरकर:
    आदिकवी वाल्मीकीने आपल्या स्वतंत्र सौंदर्यदृष्टीने विधात्याच्या सूक्ष्म आणि स्थूल सृष्टीतून नेमके सौंदर्य टिपून काढून त्यातून आपली रामकथा रचली.त्याचप्रमाणे कविश्री माडगूळकरांनी वाल्मीकीच्या काव्यसृष्टीतले वेचीव सौंदर्य आपल्या स्चयंभू प्रतिभेने बिनचूकपणे निवडले आहे.गीतरामायणातली काही गीते रामायणासारखीच चिरंजीव होऊन राहतील आणि त्याचबरोबरच माडगूळकरांचे -माझ्या बंधुतुल्य मित्राचे-नाव देखील.
संबंधीत गाणी-कविता | Related Songs-Poems
गीतरामायण अॅप | GeetRamayan App
  • "गीतरामायण" आता ध्वनी व लिखित स्वरुपात गुगल प्ले/प्लेस्टोअर (Google Play/Play Store) वर अँड्रॉइड अॅप्लिकेशनच्या च्या स्वरुपात उपलब्ध आहे!.
    आजच डाऊनलोड करा

    GeetRamayan application now available on android phones,now enjoy geetramayan songs in audio and text on your mobile,for more details click on following link Download Link
  • Box-RB-1