गदिमा नवनित
  • आई सारखे दैवत सार्‍या जगतावर नाही
    म्हणून श्रीकाराच्या नंतर शिकणे अ,आ,ई
मराठी युनिकोड फॉन्ट
गीतरामायण शब्द | GeetRamayan Lyrics
  •  
  • Box-C-29
  • 41)पेटवी लंका हनुमंत
  • Petavi Lanka Hanumanta
  • ग.दि.माडगूळकर(गदिमा) | Ga.Di.Madgulkar


  •  

    लीलया उडुनी गगनांत
    पेटवी लंका हनुमंत

    नगाकार घन दिसे मारुती
    विजेपरी तें पुच्छ मागुतीं
    आग वर्षवी नगरीवरती
    गर्जना करी महावात

    या शिखराहुन त्या गेहावर
    कंदुकसा तो उडे कपीवर
    शिरे गवाक्षीं पुच्छ भयंकर
    चालला नगर चेतवीत

    भडके मंदिर, पेटे गोपुर
    द्वार कडाडुन वाजे भेसुर
    रडे, ओरडे, तों अंतःपुर
    प्रकाशीं बुडे वस्तुजात

    जळे धडधडा ओळ घरांची
    राख कोसळे आकारांची
    चिता भडकली जणूं पुरांची
    राक्षसी करिती आकांत

    कुणी जळाले निजल्या ठायीं
    जळत पळत कुणि मार्गी येई
    कुणि भीतीनें अवाक होई
    ओळखी नुरल्या प्रलयांत

    माय लेकरां टाकुन धावे
    लोक विसरले नातीं नावें
    उभें तेवढें पडें आडवें
    अचानक आला कल्पांत

    खड्गे ढाली पार वितळल्या
    वीरवृत्ति तर सदेह जळल्या
    ज्वाळेमाजीं ज्वाळा मिळाल्या
    सघनता होय भस्मसात

    वारा अग्‍नी, अग्‍नी वारा,
    नुरे निवारा, नाहीं थारा
    जळल्या वेशी, जळे पहारा
    नाचतो अनल मूर्तिमंत


गदिमा गौरव | Special Quotes
  • कविवर्य बा.भ.बोरकर:
    आदिकवी वाल्मीकीने आपल्या स्वतंत्र सौंदर्यदृष्टीने विधात्याच्या सूक्ष्म आणि स्थूल सृष्टीतून नेमके सौंदर्य टिपून काढून त्यातून आपली रामकथा रचली.त्याचप्रमाणे कविश्री माडगूळकरांनी वाल्मीकीच्या काव्यसृष्टीतले वेचीव सौंदर्य आपल्या स्चयंभू प्रतिभेने बिनचूकपणे निवडले आहे.गीतरामायणातली काही गीते रामायणासारखीच चिरंजीव होऊन राहतील आणि त्याचबरोबरच माडगूळकरांचे -माझ्या बंधुतुल्य मित्राचे-नाव देखील.
संबंधीत गाणी-कविता | Related Songs-Poems