गीतरामायण शब्द | GeetRamayan Lyrics
  •  
  • Box-C-29
  • 49)भूवरी रावण-वध झाला
  • Bhuvari Ravan Wadh Zala
  • ग.दि.माडगूळकर(गदिमा) | Ga.Di.Madgulkar


  •  

    देवहो, बघा रामलीला
    भूवरी रावणवध झाला

    दाहि दिशांचीं मुखें उजळलीं
    कंपरहित ती अवनी झाली
    रविप्रभेतें स्थिरता आली
    पातली महद्भाग्यवेला

    'साधु साधु' वच वदती मुनिवर
    छेडुं लागले वाद्यें किन्नर
    प्रमोद उसळे भूलोकावर
    सुरांचा महारिपू मेला



    रणीं जयांचे चाले नर्तन
    नृपासहित हे विजयी कपिगण
    श्रीरामांचे करिती पूजन
    वाहुनी फुलें, पर्णमाला

    'जय जय' बोला उच्चरवाने
    कल्पतरूंचीं फेका सुमनें
    फेका रत्‍नें, मणीभूषणें
    जयश्री लाभे सत्याला

    श्याम राम हा धर्मपरायण
    हा चक्रायुध श्रीनारायण
    जगदोत्पादक त्रिभुवनजीवन
    मानवी रामरूप ल्याला

    हा उत्पत्ति-स्थिति-लयकारक
    पद्मनाभ हा त्रिभुवनतारक
    शरण्य एकच खलसंहारक
    आसरा हाच ब्रह्मगोलां

    वत्सलांछना धरुनी वक्षीं
    संतसज्जनां हा नित रक्षी
    हा सत्याच्या सदैव पक्षीं
    जाणतो हाच एक याला

    हा श्री विष्णू, कमला सीता
    स्वयें जाणता असुन, नेणता
    युद्ध करी हें जगताकरितां
    दाखवी अतुल रामलीला


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems
गीतरामायण अॅप | GeetRamayan App
  • "गीतरामायण" आता ध्वनी व लिखित स्वरुपात गुगल प्ले/प्लेस्टोअर (Google Play/Play Store) वर अँड्रॉइड अॅप्लिकेशनच्या च्या स्वरुपात उपलब्ध आहे!.
    आजच डाऊनलोड करा

    GeetRamayan application now available on android phones,now enjoy geetramayan songs in audio and text on your mobile,for more details click on following link Download Link
  • Box-RB-1