गदिमा नवनित
  • विठ्ठलाचे पायी थरारली वीट, उठला हुंदका देहुच्या वार्‍यात,तुका समाधीत चाळवला.
    संत माळेतील मणी शेवटला,आज ओघळला एकाएकी....
गीतरामायण शब्द | GeetRamayan Lyrics
  •  
  • Box-C-29
  • 51)लोकसाक्ष शुध्दी झाली
  • Loksaksha Shuddhi Zali
  • ग.दि.माडगूळकर(गदिमा) | Ga.Di.Madgulkar


  •  

    लोकसाक्ष शुद्धी झाली सती जानकीची
    स्वामिनी निरंतर माझी, सुता ही क्षमेची

    ज्ञात काय नव्हतें मजसी हिचें शुद्ध शील ?
    लोककोप उपजवितो का परि लोकपाल ?
    लोकमान्यता ही शक्ती लोकनायकांची

    अयोध्येत जर मी नेतों अशी जानकीतें
    विषयलुब्ध मजसी म्हणते लोक, लोकनेते


    गमावून बसतो माझ्या प्रीत मी प्रजेची

    प्रजा रंजवीतों सौख्यें तोच एक राजा
    हेंच तत्व मजसी सांगे राजधर्म माझा
    प्रजा हीच कोटी रूपें मला ईश्वराचीं

    प्राणही प्रसंगी देणे प्रजासुखासाठी
    हीच ठाम श्रद्धा माझ्या वसे नित्य पोटीं
    मिठी सोडवूं मी धजलों म्हणुन मैथिलीची

    वियोगिनी सीता रडतां धीर आवरेना
    कसे ओलवूं मी डोळे ? उभी सर्व सेना
    पापण्यांत गोठविली मी नदी आसवांची

    राम एक हृदयीं आहे सखी जानकीच्या
    जानकीविना ना नारी मनीं राघवाच्या
    शपथ पुन्हां घेतों देवा, तुझ्या पाउलांची

    विषयलोभ होता जरि त्या वीर रावणातें
    अनुल्लंघ्य सीमा असती क्षुब्ध सागरातें
    स्पर्शिलीं तयें ना गात्रें हिच्या साउलीचीं

    अग्‍निदेव, आज्ञा अपुली सर्वथैव मान्य
    गृहस्वामिनीच्या दिव्यें राम आज धन्य
    लोकमाय लाधे फिरुनी प्रजा अयोध्येची


गदिमा गौरव | Special Quotes
  • ग.दि.माडगूळकर(यवतमाळ,साहित्य संमेलनातील भाषणातून)
    गीत गायले जाते एवढया अपराधासाठी त्याच्या अंगावरची कवित्वाची भूषणे काढून कशासाठी घ्यायची? काव्यहीन गीते लिहिली जातात,तशी काव्यहीन कविताही पुष्कळ असते.पण छंदात रचलेली एखादी कविता कोणी तालस्वरावर गायली तर तिच्यातील कवित्व नाहीसे झाले असे कसे? माझ्यासारख्या एकाद्या कविला काव्य स्फुरते तेच छंदासह....
संबंधीत गाणी-कविता | Related Songs-Poems
गीतरामायण अॅप | GeetRamayan App
  • "गीतरामायण" आता ध्वनी व लिखित स्वरुपात गुगल प्ले/प्लेस्टोअर (Google Play/Play Store) वर अँड्रॉइड अॅप्लिकेशनच्या च्या स्वरुपात उपलब्ध आहे!.
    आजच डाऊनलोड करा

    GeetRamayan application now available on android phones,now enjoy geetramayan songs in audio and text on your mobile,for more details click on following link Download Link
  • Box-RB-1