गदिमा नवनित
  • प्रभो, मज एकच वर द्यावा
    या चरणांच्या ठायीं माझा निश्चल भाव रहावा
मराठी युनिकोड फॉन्ट
गीतरामायण शब्द | GeetRamayan Lyrics
  •  
  • Box-C-29
  • 51)लोकसाक्ष शुध्दी झाली
  • Loksaksha Shuddhi Zali
  • ग.दि.माडगूळकर(गदिमा) | Ga.Di.Madgulkar


  •  

    लोकसाक्ष शुद्धी झाली सती जानकीची
    स्वामिनी निरंतर माझी, सुता ही क्षमेची

    ज्ञात काय नव्हतें मजसी हिचें शुद्ध शील ?
    लोककोप उपजवितो का परि लोकपाल ?
    लोकमान्यता ही शक्ती लोकनायकांची

    अयोध्येत जर मी नेतों अशी जानकीतें
    विषयलुब्ध मजसी म्हणते लोक, लोकनेते
    गमावून बसतो माझ्या प्रीत मी प्रजेची

    प्रजा रंजवीतों सौख्यें तोच एक राजा
    हेंच तत्व मजसी सांगे राजधर्म माझा
    प्रजा हीच कोटी रूपें मला ईश्वराचीं

    प्राणही प्रसंगी देणे प्रजासुखासाठी
    हीच ठाम श्रद्धा माझ्या वसे नित्य पोटीं
    मिठी सोडवूं मी धजलों म्हणुन मैथिलीची

    वियोगिनी सीता रडतां धीर आवरेना
    कसे ओलवूं मी डोळे ? उभी सर्व सेना
    पापण्यांत गोठविली मी नदी आसवांची

    राम एक हृदयीं आहे सखी जानकीच्या
    जानकीविना ना नारी मनीं राघवाच्या
    शपथ पुन्हां घेतों देवा, तुझ्या पाउलांची

    विषयलोभ होता जरि त्या वीर रावणातें
    अनुल्लंघ्य सीमा असती क्षुब्ध सागरातें
    स्पर्शिलीं तयें ना गात्रें हिच्या साउलीचीं

    अग्‍निदेव, आज्ञा अपुली सर्वथैव मान्य
    गृहस्वामिनीच्या दिव्यें राम आज धन्य
    लोकमाय लाधे फिरुनी प्रजा अयोध्येची


गदिमा गौरव | Special Quotes
  • यशवंतराव चव्हाण
    गदिमांच्या काव्यप्रतिभेवर प्रसन्न होऊन..'मी जर राजा असतो तर कविवर्यांच्या हाती सोन्याचे कडं चढवलं असतं.'
संबंधीत गाणी-कविता | Related Songs-Poems