गदिमांची बालगीते/बालकविता | Balgeete/Children Songs
  •  
  • Box-C-27
  • एक कोल्हा बहु भुकेला
  • Ek Kolha Bahu Bhukela
  • ग.दि.माडगूळकर(गदिमा) | Ga.Di.Madgulkar


  •  

    एक कोल्हा बहु भुकेला
    फार होता कावला
    एक तुकडा परि न त्याला
    खावयासी गावला
    एक कोल्हा बहु भुकेला ......
    बापड्याने जंगलाचा
    भाग सारा धुंडला
    भर दुपारी तो बिचारा
    दीनवाणा हिडला
    शेवटाला थकून गेला
    सावलीला थांबला
    एक तुकडा......
    एक

    कोल्हा
    बहु भुकेला...
    उंच होते झाड त्याला
    उंच शेंडा कोवळा
    बसून वरती खाऊ खाई
    एक काळा कावळा
    चोचीमध्ये मांस धरून
    चाखी तो, तो मासला
    एक तुकडा.....
    मारुनिया हाक त्यासी
    गोड कोल्हा बोलला
    एक गाणे गा मजेने
    साद तुमचा चांगला
    कोकीळेचे आप्त तुम्ही
    घरीच त्यांच्या वाढला
    एक तुकडा....
    मूर्ख वेड्या कावळ्याने
    रागदारी मांडिली
    चोचीमधली चीज त्याच्या
    त्वरित खाली सांडली
    धावला कोल्हा सुखाने
    घास त्याने जेविला
    एक कोल्हा बहु....


गदिमा गौरव | Special Quotes
  • कविवर्य बा.भ.बोरकर:
    आदिकवी वाल्मीकीने आपल्या स्वतंत्र सौंदर्यदृष्टीने विधात्याच्या सूक्ष्म आणि स्थूल सृष्टीतून नेमके सौंदर्य टिपून काढून त्यातून आपली रामकथा रचली.त्याचप्रमाणे कविश्री माडगूळकरांनी वाल्मीकीच्या काव्यसृष्टीतले वेचीव सौंदर्य आपल्या स्चयंभू प्रतिभेने बिनचूकपणे निवडले आहे.गीतरामायणातली काही गीते रामायणासारखीच चिरंजीव होऊन राहतील आणि त्याचबरोबरच माडगूळकरांचे -माझ्या बंधुतुल्य मित्राचे-नाव देखील.
संबंधीत गाणी-कविता | Related Songs-Poems
गीतरामायण अॅप | GeetRamayan App
  • "गीतरामायण" आता ध्वनी व लिखित स्वरुपात गुगल प्ले/प्लेस्टोअर (Google Play/Play Store) वर अँड्रॉइड अॅप्लिकेशनच्या च्या स्वरुपात उपलब्ध आहे!.
    आजच डाऊनलोड करा

    GeetRamayan application now available on android phones,now enjoy geetramayan songs in audio and text on your mobile,for more details click on following link Download Link
  • Box-RB-1