गदिमा नवनित
  • दैव जाणिले कुणी,लवांकुशाचा हलवी पाळणा
    वनी वाल्मिकी मुनी,दैव जाणिले कुणी?
मराठी युनिकोड फॉन्ट
गदिमांची बालगीते/बालकविता | Balgeete/Children Songs
  •  
  • Box-C-27
  • ससा उपजला कसा
  • Sasa Upajala Kasa
  • ग.दि.माडगूळकर(गदिमा) | Ga.Di.Madgulkar


  •  

    बसा मुलांनो बसा, सांगतो ससा उपजला कसा
    आई होती एक, तियेचा एक लाडका लेक
    त्याने केली प्रीत, आगळी जगाहून विपरित
    कुणा मुलीचा ध्यास लागला त्याला रात्रंदिसा
    त्या मुलीचा बोल, तयाला पृथ्वीहून अनमोल
    तिने इच्छिले काय, मुलाने जिती चिरावी माय
    आणि तियेचे काळीज आणून तिचा भरावा पसा
    आई म्हणाली, बाळ, सखीचा शब्द आपुल्या पाळ
    तुला लाभते प्रीत, तियेस्तव मरेन मी निश्चित
    कट्यार घे अन् चीर सुखाने उरोभाग तू कसा
    काळीज असले थोर तयाला कापुन देई पोर
    लेकासाठी माय, सुखाने जिवंत मरुनी जाय
    देवलोकी ते गेले, काळीज सांडीत वत्सल रसा,
    देव म्हणाला यास, घालणे भाग नव्या जन्मास
    औक्ष राहिले अजुन, तरी हे आले आपणहून
    ते आईचे काळीज घेऊन, देवे धाडिला ससा
    हृदयासम कोवळा, सजीव हा आईचा कळवळा
    आवडती या मुले, गोजिरी देवाघरची फुले
    स्पर्श तयाचा बघा आईच्या हातासम गोडसा


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems