गदिमांची बालगीते/बालकविता | Balgeete/Children Songs
  •  
  • Box-C-27
  • मैना राणी चतुर शहाणी
  • Maina Rani Chatur Shahani
  • ग.दि.माडगूळकर(गदिमा) | Ga.Di.Madgulkar


  •  

    मैना राणी चतुर शहाणी
    सांगे गोड कहाणी
    कहाणीत त्या पशुपक्षांना
    अवगत असते वाणी.....
    सिह वनाचा असतो राजा
    घेती त्याची चिठ्ठी
    वाघ वागतो भिऊन त्याला
    गुडघे टेकी हत्ती
    अती चतुर कोल्हा कोणी
    सिहा पाजी पाणी
    सांगे गोड कहाणी......
    मैना राणी


    कोल्ह्याचाही काढे काटा
    कोणी करकोचा
    घरी बोलावून पाणउतारा
    करी पाहुण्याचा
    कडी वरी त्या कडी करूनिया
    टोला कोल्हा हाणी
    सांगे गोड कहाणी......
    शाल म्हणुनी खाल पांघरे
    गाढव वाघाची
    त्यास पाहता झोप उडाली
    जंगल भागाची
    एक कोंबडा उघडकीस पण
    ढोंगच त्याचे आणी
    सांगे गोड कहाणी.....


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems
गीतरामायण अॅप | GeetRamayan App
  • "गीतरामायण" आता ध्वनी व लिखित स्वरुपात गुगल प्ले/प्लेस्टोअर (Google Play/Play Store) वर अँड्रॉइड अॅप्लिकेशनच्या च्या स्वरुपात उपलब्ध आहे!.
    आजच डाऊनलोड करा

    GeetRamayan application now available on android phones,now enjoy geetramayan songs in audio and text on your mobile,for more details click on following link Download Link
  • Box-RB-1