गदिमांची बालगीते/बालकविता | Balgeete/Children Songs
  •  
  • Box-C-27
  • हलकेच कळ्यांनो उमला
  • Halakech Kalyanno Umala
  • ग.दि.माडगूळकर(गदिमा) | Ga.Di.Madgulkar


  •  

    हलकेच कळ्यांनो उमला, लागते झोप राजाला ।
    पाकळीच्या आवाजाने, येईल जाग ना त्याला! ।।धृ.।।
    कोटरांतल्या मैनाबाई
    तिथेच थोडी थबकुन राही
    ललतराग गाउनी वेडे, जागवू नको छकुल्याला ।।१।।
    फिरत्या पवना थांब पळभरी
    उषे, आपुला पदर सावरी
    क्षितिजाच्या या उंबरठ्यावर, वाजवू नको पाउला।।२।।
    दश-दिशांनो,

    गुलाल फेका
    अरुण-रथाला पळभर रोखा
    मावळत्यांचे हार घालुनी, स्वागतात रमवा त्याला ।।३।।
    हलकेच कळ्ङ्मांनो उङ्खला !


गदिमा गौरव | Special Quotes
  • कविवर्य बा.भ.बोरकर:
    आदिकवी वाल्मीकीने आपल्या स्वतंत्र सौंदर्यदृष्टीने विधात्याच्या सूक्ष्म आणि स्थूल सृष्टीतून नेमके सौंदर्य टिपून काढून त्यातून आपली रामकथा रचली.त्याचप्रमाणे कविश्री माडगूळकरांनी वाल्मीकीच्या काव्यसृष्टीतले वेचीव सौंदर्य आपल्या स्चयंभू प्रतिभेने बिनचूकपणे निवडले आहे.गीतरामायणातली काही गीते रामायणासारखीच चिरंजीव होऊन राहतील आणि त्याचबरोबरच माडगूळकरांचे -माझ्या बंधुतुल्य मित्राचे-नाव देखील.
संबंधीत गाणी-कविता | Related Songs-Poems