गदिमा नवनित
  • दैवजात दु:खें भरतां दोष ना कुणाचा
    पराधीन आहे जगती पुत्र मानवाचा
मराठी युनिकोड फॉन्ट
गदिमांची बालगीते/बालकविता | Balgeete/Children Songs
  •  
  • Box-C-27
  • दूध नको पाजू हरीला
  • Doodh Nako Paju Harila
  • ग.दि.माडगूळकर(गदिमा) | Ga.Di.Madgulkar


  •  

    दूध नको पाजू हरीला
    दूद नको पाज्यू हलीला काल्या कपिलेचे
    काला या मनती आई ग, पोल गुलाक्याचे
    तूच घेउनी पदलाखाली
    पाजत जा या शांज-शकाली
    तुजियाशम गोले, होउदे लूप शोनुल्याचे
    तूही गोली, मीहि गोला
    काला का हा किश्न एकला?
    लावु नको तित्ती, नको ग बोत काजलाचे
    थेउ नको ग याच्यापाशी
    वाल्यामधल्या काल्या दाशी
    देउ नको याला, नहाया पानी यमुनेचे
    पालन्यात तू याच्या घाली
    फुले गोजिली चाप्यावलली
    लावित जा अंगा, पांघले गंद चंदनाचे
    नकोश निजवू या अंधाली
    दिवे थेव ग उशास लात्ली
    दावु नको याला कधीही खेल शावल्यांचे
    नको दाखवू, नको बोलवू
    झाडावलचे काले काऊ
    हंश याश दावी, शाजिले धवल्या पंखांचे
    हंशाशंगे याश खेलुदे
    चांदाशंगे गोथ्थ बोलुदे
    ल्हाउ देत भवती, थवेही गौल-गौलनींचे
    मथुलेहून तू आन चिताली
    गोली कल ही मूल्ती काली
    हशशी का बाई, कलेना कालन हशन्याचे?


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी-कविता | Related Songs-Poems