गदिमा नवनित
  • "नच स्वीकारा धना कांचना,नको दान रे, नको दक्षिणा
    काय धनाचें मूल्य मुनिजनां ? अवघ्या आशा श्रीरामार्पण"
गदिमांची बालगीते/बालकविता | Balgeete/Children Songs
  •  
  • Box-C-27
  • आईसारखे दैवत
  • Aaisarakhe Daivat
  • ग.दि.माडगूळकर(गदिमा) | Ga.Di.Madgulkar


  •  

    आईसारखे दैवत
    आईसारखे दैवत सार्‍या जगतावर नाही
    म्हणून श्रीकाराच्या नंतर शिकणे अ, आ, ई
    तीच वाढवी ती सांभाळी
    देवानंतर नमवी मस्तक आईच्या पायी
    कौसल्येविण राम न झाला
    देवकीपोटी कृष्ण जन्मला
    शिवराजाचे चरित्र घडवी माय जिजाबाई
    नकोस विसरू ऋण आईचे
    स्वरूप माउली

    पुण्याईचे
    थोर पुरुष तू ठरून तियेचा होई उतराई


गदिमा गौरव | Special Quotes
  • प्रा.रा.ग.जाधव
    माडगूळकरांनी सात आठशे वर्षांची विविध रुपरसांची परंपरा आधुनिक संस्कारांनी पुन्हा सजीव केली आहे.चैत्रबन म्हणजे या पुराण्या काव्यपरंपरेचे एक कलाप्रदर्शनच आहे.
संबंधीत गाणी-कविता | Related Songs-Poems