गदिमा नवनित
  • जसा जन्मतो तेज घेऊन तारा!जसा मोर घेऊन येतो पिसारा!
    तसा येई घेऊन कंठात गाणे!असा बालगंधर्व आता न होणे!
गदिमांची बालगीते/बालकविता | Balgeete/Children Songs
  •  
  • Box-C-27
  • आवडती भारी मला माझे आजोबा!
  • Awadati Bhari Mala Maze Ajoba
  • ग.दि.माडगूळकर(गदिमा) | Ga.Di.Madgulkar


  •  

    आवडती भारी मला माझे आजोबा!
    पाय त्यांचे थकलेले
    गुडघ्यांत वाकलेले
    केस सारे पिकलेले
    ओटीवर गाती गीता माझे आजोबा!
    नातवंडा बोलावून
    घोगर्याशा आवाजानं
    सांगती ग रामायण
    मोबदला घेती पापा माझे आजोबा!
    रागेजता बाबा-आई
    आजोबांना माया येई
    जवळी ते घेती बाई


    कुटलेला विडा देती माझे आजोबा!
    खोडी करी खोडकर
    आजोबांची शिक्षा थोर
    उन्हामध्ये त्यांचे घर
    पोरांसंगे पोर होती माझे आजोबा!


गदिमा गौरव | Special Quotes
  • ग.दि.माडगूळकर(यवतमाळ,साहित्य संमेलनातील भाषणातून)
    गीत गायले जाते एवढया अपराधासाठी त्याच्या अंगावरची कवित्वाची भूषणे काढून कशासाठी घ्यायची? काव्यहीन गीते लिहिली जातात,तशी काव्यहीन कविताही पुष्कळ असते.पण छंदात रचलेली एखादी कविता कोणी तालस्वरावर गायली तर तिच्यातील कवित्व नाहीसे झाले असे कसे? माझ्यासारख्या एकाद्या कविला काव्य स्फुरते तेच छंदासह....
संबंधीत गाणी-कविता | Related Songs-Poems