गदिमांची बालगीते/बालकविता | Balgeete/Children Songs
  •  
  • Box-C-27
  • पोपटाचे पोर
  • Popatache Por
  • ग.दि.माडगूळकर(गदिमा) | Ga.Di.Madgulkar


  •  

    नदीच्या पल्याड
    पिपळाचे झाड
    तिथे भरे बाळा,
    पाखराची शाळा
    शहाणा पोपट
    शिकवितो पाठ
    बोलाया शिकती
    सानुले पोपट
    त्यांच्यातील एक
    राघूचा पोरटा
    कंटाळून गेला
    नेहमीच्या पाठा
    नको झाली त्याला
    आपुलीच भाषा
    नवे शिकण्याची
    उपजली आशा


    पाखरांची शाळा
    तिथेच सोडून
    पोपटाचे पोर

    गेले ते उडून
    कोण्या एका जागी
    माणसाची मुले
    गिरवीत होती
    धडे रे आपुले
    मुलांची शाळा ती
    पाहून सुंदर
    खिडकीत बसे
    पोपटाचे पोर
    सकाळी दुपारी
    तेथेच बसून
    काही तरी नवे
    घेई ते शिकून
    बसता बसता
    दिस मास गेले
    माणसाची बोली
    पाखरू शिकले
    पाखरांची भाषा
    सोडली तयाने

    वेगळ्या बोलीने
    पालटले जिणे
    शिणेच्या पिलाशी
    सोडून बोलणे
    सोडले तयाने
    पूर्वीचे वागणे
    नको झाले त्याला
    घर, आई-बाप
    जातीतून दूर
    झाले ते अपाप
    बसून एकटे
    दूरच्या ठिकाणी
    स्वत:शी ते बोले
    माणसाची वाणी
    वाणी ती पडली
    माणसाच्या कानी
    कोणी एके त्याला
    ठेवले धरूनी
    धरोन ठेविले

    पिजंर्‍यात त्याला
    डाळिबाचा चारा
    खाऊ त्या घातला
    तेवढ्यात खावे
    तेवढ्यात प्यावे
    तेवढ्या जागेत
    उडावे खेळावे
    गुलामीची आच
    कळो आली त्यास
    पोपटाचे पोर
    जाहले उदास
    चोचीतून आली
    बाहेर निराशा
    त्याची त्या
    स्फुरली
    पाखरांची भाषा


गदिमा गौरव | Special Quotes
  • ग.दि.माडगूळकर(यवतमाळ,साहित्य संमेलनातील भाषणातून)
    गीत गायले जाते एवढया अपराधासाठी त्याच्या अंगावरची कवित्वाची भूषणे काढून कशासाठी घ्यायची? काव्यहीन गीते लिहिली जातात,तशी काव्यहीन कविताही पुष्कळ असते.पण छंदात रचलेली एखादी कविता कोणी तालस्वरावर गायली तर तिच्यातील कवित्व नाहीसे झाले असे कसे? माझ्यासारख्या एकाद्या कविला काव्य स्फुरते तेच छंदासह....
संबंधीत गाणी-कविता | Related Songs-Poems