गदिमांची बालगीते/बालकविता | Balgeete/Children Songs
  •  
  • Box-C-27
  • टाळ्यांचे गाणे
  • Talyanche Gane
  • ग.दि.माडगूळकर(गदिमा) | Ga.Di.Madgulkar


  •  

    दे टाळी ग घे टाळी
    नाचे राजा वनमाळी

    कृष्णालागी यातना
    द्याया आली पूतना
    काळ तियेचा झाला ग
    प्राण शोषुनी प्याला ग
    तिला गाडली पाताळी

    कालिया तो मातला
    पाङ्मी त्यासी घातला
    साती फणा तोडल्या
    फासळ्या ग मोडल्या


    नागाासी त्या निर्दाळी

    ऐसा कान्हा यशवंत
    तिन्ही लोकी बळवंत
    गायी वत्से पाळतो
    गोपासंगे खेळतो
    सवंगड्यांशी सांभाळी

    कालिंदीच्या काठाशी
    पावा लावी ओठाशी
    सूर वाजवी मोलाचे
    कदंब-फांद्या आंदोळी


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems