गदिमांची बालगीते/बालकविता | Balgeete/Children Songs
  •  
  • Box-C-27
  • आगगाडी
  • Aaggadi
  • ग.दि.माडगूळकर(गदिमा) | Ga.Di.Madgulkar


  •  

    झुकक झुक, धडाड् धाड्
    बॉम्बे -पूना, दौंड-मनमाड
    डाकघराचा डब्बा लाल
    पोती भरुनी घेई हमाल
    गार्डा, गार्डा सिग्नल पाड
    दाम पोचले, चढला माल
    उतरून गेले सर्व हमाल
    रुळारुळांच्या गुंतवळ्यातून
    काढ एंजिना रस्ता काढ
    मागे पडते स्टेशन, गाव
    सुटली गाडी ही भरधाव


    कसे लागले उलट पळाया
    वाटेवरचे झाडन् झाड
    नाकापुढली सगळी वाट
    येई बोगदा आणि घाट
    इवली इवली गाडी बघती
    आजूबाजूचे उंच पहाड


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems