गदिमांची बालगीते/बालकविता | Balgeete/Children Songs
  •  
  • Box-C-27
  • मुक्तांगण गीत
  • Muktangan Geet
  • ग.दि.माडगूळकर(गदिमा) | Ga.Di.Madgulkar


  •  

    आनंद साधकांनो यारे मिळून सारे
    मुक्तांगणात या रे ।।

    वय, वंश, धर्म, भाषा
    यांना न ठाव काही
    क्रीडांगणी कलांच्या
    हा भेदभाव नाही
    मनमोकळेपणे घ्या
    इथले पिऊन वारे ।।१।।

    गा, नर्तनात रंगा
    नाट्ये नवीन खेळा
    स्वाध्याय नित्य

    साधा
    अभ्यास ना निराळा
    कोणी गुरू न चेला
    सहकार नांदवा रे ।।२।।

    व्हा चित्रकार कोणी
    स्वप्ने चितारण्यासी
    व्हा शिल्पकार कोणी
    आकार द्या जिण्यासी
    अनुकूल क्षेत्र येथे
    या अंगणी फुला रे ।।३।।

    आनंद साधकांनो यारे मिळून सारे
    मुक्तांगणास या रे ।।


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी-कविता | Related Songs-Poems