गदिमांची बालगीते/बालकविता | Balgeete/Children Songs
  •  
  • Box-C-27
  • बदलती नभाचे रंग कसे
  • Badalati Nabhanche Rang Kase
  • ग.दि.माडगूळकर(गदिमा) | Ga.Di.Madgulkar


  •  

    बदलती नभाचे रंग कसे
    क्षणात निळसर, क्षणात लालसर, क्षण सोनेरी दिसे !
    अशा बदलत्या नभाखालती
    वसते अवनी सदा बदलती
    कळी कालची आज टपोरे फूल होऊनी हसे !
    मेघ मघा जे लवले माथी
    क्षणात झाले धार वाहती
    फूल कालचे फळ होउनिया भरले मधुर रसे

    !
    काल वाटले स्पर्श नच करू
    त्या कीटाचे होय पाखरू
    वेगवेगळे रंग तयाचे, इंद्रधनू उडतसे!


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems