गदिमांची बालगीते/बालकविता | Balgeete/Children Songs
  •  
  • Box-C-27
  • हससी का बरे....
  • Hasashi Ka Bare
  • ग.दि.माडगूळकर(गदिमा) | Ga.Di.Madgulkar


  •  

    चांद मोहरे, चांदणे झरे
    झोपेतच गाली असा हससी का बरे

    गगनातील नीलपरी
    उतरूनिया भूमिवरी
    उचलुनिया नेती तुला उंच काय रे ।।१।।

    उंच उंच गगनी तुला
    काय दिसे सांग मुला
    दिसते का हळू विमान एक संचरे ।।२।।



    बसुन आत कोण हसे
    कुशल कुणी तरुण पुसे
    खचित तेच प्राणनाथ सांगू काय रे ।।३।।

    जाग जरा नीज सोड
    पापा दे मजसि गोड
    फिरून जाय लंघुनिया, सात अंबरे ।।४।।


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems