गदिमांची बालगीते/बालकविता | Balgeete/Children Songs
  •  
  • Box-C-27
  • नीज माझ्या पाडसा
  • Nij Mazya Padasa
  • ग.दि.माडगूळकर(गदिमा) | Ga.Di.Madgulkar


  •  

    कुरवाळी तुज हलक्या हाते चांदाचा कवडसा
    खिडकी वरती लाल डहाळी गुलमोहराची झुके
    लाल पर्यांचे गीत तीवरी सळसळते सारखे
    रातजागत्या वार्यासंगे सुगंध ये गोडसा
    मिटुन पापण्या पहा लाडक्या, स्वप्नामधली पुरे
    निळ्या धुक्याच्या इमारतींना बर्फाची गोपुरे
    दारोदारी गुलाब लहडून उंच उभा माडसा
    परीराणीच्या राज्यातच या

    निजता जाती मुले
    पंख होऊनी पर्यांस जडती पेंगुळलेली फुले
    फुले मुले ती परत प्रभाती फुलती जगी राजसा


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems
गीतरामायण अॅप | GeetRamayan App
  • "गीतरामायण" आता ध्वनी व लिखित स्वरुपात गुगल प्ले/प्लेस्टोअर (Google Play/Play Store) वर अँड्रॉइड अॅप्लिकेशनच्या च्या स्वरुपात उपलब्ध आहे!.
    आजच डाऊनलोड करा

    GeetRamayan application now available on android phones,now enjoy geetramayan songs in audio and text on your mobile,for more details click on following link Download Link
  • Box-RB-1