गदिमांची बालगीते/बालकविता | Balgeete/Children Songs
  •  
  • Box-C-27
  • सैनिक माझे नाव
  • Sainik Maze Nav
  • ग.दि.माडगूळकर(गदिमा) | Ga.Di.Madgulkar


  •  

    उभा पाठीशी सदैव माझ्या, तेजोमय इतिहास
    उभे पाठीशी प्रताप, शिवबा, उभे शौर्य विश्वास,
    उभे पाठीशी भगतसिगजी, उभे गुरू गोविद,
    उभा पाठीशी सुभाष योद्धा, गर्जतसे जयहिद
    या देशाचा मी संरक्षक
    भारत माझे गाव.... सैनिक माझे नाव

    मी न मराठी, राजस्थानी, धर्म जाती मम

    हिदुस्तानी
    मायभूमिचा मी अभिमानी, या अभिमानी धर्मव्रतांचा
    अवघ्या अंतर्भाव... सैनिक माझे नाव

    जननी माझी भारतमाता, या भूमीतच पिके वीरता
    जन्म-मृत्यूची मला न चिता, देह विनाशी, हा तर केवळ
    आत्म्याचा पेहेराव.... सैनिक माझे नाव

    जितेन आणि जगेन लोकी, रण क्रीडांगण माझ्या लेखी
    खड्ग पडो की मुकुट मस्तकी, देशकार्य ते देवकार्य मज
    अढळ अंतरी भाव.... सैनिक माझे नाव

    उरि निर्भयता, नयनी अग्नी, उन्नत मस्तक करी शतघ्नी
    उभा इथे मी असा निशिदिनी, बघू कोणता शत्रू करतो
    कुठूनी धीट उठाव.... सैनिक माझे नाव


गदिमा गौरव | Special Quotes
  • यशवंतराव चव्हाण
    गदिमांच्या काव्यप्रतिभेवर प्रसन्न होऊन..'मी जर राजा असतो तर कविवर्यांच्या हाती सोन्याचे कडं चढवलं असतं.'
संबंधीत गाणी-कविता | Related Songs-Poems