गदिमा नवनित
  • दैवजात दु:खें भरतां दोष ना कुणाचा
    पराधीन आहे जगती पुत्र मानवाचा
मराठी युनिकोड फॉन्ट
गदिमांची बालगीते/बालकविता | Balgeete/Children Songs
  •  
  • Box-C-27
  • ये थोरवी श्रमासी
  • Ye Thoravi Shramashi
  • ग.दि.माडगूळकर(गदिमा) | Ga.Di.Madgulkar


  •  

    हाती धरून झाडू, तू मार्ग झाडलासी
    स्पर्शे तुझ्या महात्म्या, ये थोरवी श्रमासी

    तण उच्चनीचतेचे, निपटून काढिले तू
    तट धर्मकल्पनांचे, उलथून पाडिले तू
    दलितांस धीर दिधला, पुशिलेस आसवांसी

    माणूस तोच आहे, नांदोत धर्म लाख
    मानव्य हीच आहे, समतेस आणभाक
    सेवेस लाविले तू, धनवंतही विलासी

    साधारणांत रमसी, असुनी महामती तू
    अवरूद्ध धर्मचक्रा, दिधली पुन: गती तू
    धागा परंपरांचा, तरीही न तोडलासी


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems