गदिमा नवनित
  • कालपुरुषा तु स्वत: थकशील,थेरडा होशील पण,आम्हाला म्हातारपण देणे कक्षेबाहेर आहे तुझ्या.
    आम्ही लढतच राहु.हे आव्हान घे माझे-एका कलाकाराचे!
गदिमांची बालगीते/बालकविता | Balgeete/Children Songs
  •  
  • Box-C-27
  • वंद्य ‘वंदे मातरम्’
  • Vandya Vandemataram
  • ग.दि.माडगूळकर(गदिमा) | Ga.Di.Madgulkar


  •  

    वेदमंत्रांहून आम्हा वंद्य ‘वंदे मातरम्’ !
    माउलीच्या मुक्ततेचा यज्ञ झाला भारती
    त्यात लाखो वीर देती जीवितांची आहुती
    आहुतींनी सिद्ध केला मंत्र ‘वंदे मातरम्’ !

    याच मंत्राने मृतांचे राष्ट्र सारे जागले
    शस्त्रधारी निष्ठुरांशी शांतिवादी झुंजले
    शस्त्रहीना एक लाभे शस्त्र ‘वंदे मातरम्’



    निर्मिला हा मंत्र ज्यांनी आचरीला झुंजुनी
    ते हुतात्मे देव झाले स्वर्ग लोकी जाउनी
    गा तयांच्या आरतीचे गीत ‘वंदे मातरम्’!


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems