गदिमा नवनित
  • दिला जन्म तू,विश्व हे दाविलेस.किती कष्ट माये,सुखे साहिलेस,
    जिण्यालागि आकार माझ्या दिलास,तुझ्या वंदितो माउली,पाउलांस!
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • आईसारखे दैवत सार्‍या जगतावर नाही
  • Aai Sarakhe Daivat
  • ग.दि.माडगूळकर(गदिमा) | Ga.Di.Madgulkar


  •  

    आईसारखे दैवत सार्‍या जगतावर नाही
    म्हणून श्रीकाराच्या नंतर शिकणे अ, आ, ई
    मुलांनो शिकणे अ, आ, ई

    तीच वाढवी ती सांभाळी
    ती करी सेवा तीन त्रिकाळी
    देवानंतर नमवी मस्तक आईच्या पायी

    कौसल्येविण राम न झाला
    देवकीपोटी कृष्ण जन्मला
    शिवरायाचे चरित्र घडवी माय जिजाबाई

    नकोस विसरू ऋण आईचे
    स्वरूप माउली पुण्याईचे
    थोर पुरुष तू ठरून तियेचा होई उतराई


गदिमा गौरव | Special Quotes
  • पु.भा.भावे
    'मंतरलेल दिवस' वाचून झाले,मस्ती अजून आहे.यातल्या व्यक्ती,स्थळं,उगीचच पुनः पुन्हा डोळ्यांसमोर येतात.अस्वस्थ करतात.चांगलं काही वाचल्यानंतर हे असंच होतं.तीच त्यांच्या सामर्थ्याची पावती.शब्दाशब्दात सातारी मातीचा कस आहे.दुसरे काही बिघडले तरी माडगूळकरांचे आत्मकथनपर लिहिणे कधीही बिघडत नाही !.
संबंधीत गाणी-कविता | Related Songs-Poems