गदिमा नवनित
  • लबाड जोडी इमले माड्या, गुणवतांना मात्र झोपडया
    पतिव्रतेच्या गळ्यात धोंडा, वेश्येला मणीहार
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • आज दिसे का चंद्र गुलाबी ?
  • Aaj Dise Ka Chandra Gulabi
  • ग.दि.माडगूळकर(गदिमा) | Ga.Di.Madgulkar


  •  

    आज दिसे का चंद्र गुलाबी ?
    हवेस येतो गंध शराबी
    अष्टमिच्या या अर्ध्या राती
    तुझी नि माझी फुलली प्रीती

    अर्धे मिटले, अर्धे उघडे
    या नयनांतुन स्वप्‍न उलगडे
    तळहातावर भाग्य उतरले
    हात तुझा रे माझ्या हाती

    स्वप्नि तुझ्या मी

    येता राणी
    दुनिया झाली स्वप्‍नदेखणी
    बघ दोघांचे घरकुल अपुले
    निशिगंधाची बाग सभोंती

    अर्धी मिटली, अर्धी उघडी
    खिडकी मजसी दिसे तेवढी
    अनुरागाच्या मंजुळ ताना
    कर्णफुलासम कानी येती

    या स्वप्‍नातच जीव भरावा
    कैफ असा हा नित्य उरावा
    अशीच व्हावी संगमरवरी
    अर्धोन्मीलित अपुली नाती


गदिमा गौरव | Special Quotes
  • ग.दि.माडगूळकर(यवतमाळ,साहित्य संमेलनातील भाषणातून)
    गीत गायले जाते एवढया अपराधासाठी त्याच्या अंगावरची कवित्वाची भूषणे काढून कशासाठी घ्यायची? काव्यहीन गीते लिहिली जातात,तशी काव्यहीन कविताही पुष्कळ असते.पण छंदात रचलेली एखादी कविता कोणी तालस्वरावर गायली तर तिच्यातील कवित्व नाहीसे झाले असे कसे? माझ्यासारख्या एकाद्या कविला काव्य स्फुरते तेच छंदासह....
संबंधीत गाणी-कविता | Related Songs-Poems