गदिमा नवनित
  • या डोळ्यांची दोन पाखरे फिरतील तुमच्या भवती
    पाठलागही सदैव करतील असा कुठेही जगती.
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • झोंबती अंगा जललहरी
  • Zombati Anga Jalalahari
  • ग.दि.माडगूळकर(गदिमा) | Ga.Di.Madgulkar


  •  

    झोंबती अंगा जललहरी
    आमुची वसने दे श्रीहरी !

    पळे पळाली गेली घटका
    पुरे खेळ हा अवखळ, लटका
    परत जाऊ दे घरी -
    आमुची वसने दे श्रीहरी !

    जात आमुची अशी लाजरी
    क्षणाक्षणाने पदर सावरी
    सुवेश असला तरी -
    आमुची वसने दे श्रीहरी !

    जळात बुडले देह तरी हे
    उघडेपण मन विसरत नाही
    लाज सले अंतरी -
    आमुची वसने दे श्रीहरी !

    किती विनवावे किती रडवावे
    असेच वाटे जळी बुडावे
    तूच सुबुद्धी धरी -
    आमुची वसने दे श्रीहरी !


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems