गदिमांची चित्रपटगीते शब्द | Marathi Film Song Lyrics
  •  
  • Box-C-30
  • आली बाई पंचिम रंगाची
  • Ali Bai Panchim Rangachi
  • ग.दि.माडगूळकर(गदिमा) | Ga.Di.Madgulkar


  •  

    संक्रांतीला भेटू ऐसी केली होती बोली
    पुनव फाल्गुनी होऊन गेली तेव्हा स्वारी आली
    अशा या वायदेभंगाची, आली बाई पंचिम रंगाची

    आला तैसे जा परतून
    फिरा नगरच्या पेठेतून
    राया मजला चोळी आणा, आणा भिंगाची
    आली बाई पंचिम रंगाची

    लेईन चोळी

    सजेन खूप
    उरी जिव्हारी तुमचे रूप
    शमेल लाही अंगाची, ग बाई अंगाची
    आली बाई पंचिम रंगाची

    फाल्गुनातली राजस रात
    भिजुनी जाईल प्रीतरसात
    जोडी कमळण भृंगाची, ग बाई दोघांची
    आली बाई पंचिम रंगाची


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems