गदिमांची चित्रपटगीते शब्द | Marathi Film Song Lyrics
  •  
  • Box-C-30
  • देवाचे घर बाई उंचावरी
  • Devache Ghar Bai Unchawari
  • ग.दि.माडगूळकर(गदिमा) | Ga.Di.Madgulkar


  •  

    इवल्याइवल्याशा
    टिकल्याटिकल्यांचे
    देवाचे घर बाई, उंचावरी
    ऐक मजा तर ऐक खरी !

    निळीनिळी वाट
    निळेनिळे घाट
    निळ्यानिळ्या पाण्याचे झुळझुळ पाट
    निळ्यानिळ्या डोंगरात निळीनिळी दरी !

    चांदीच्या झाडांना सोन्याची पाने
    सोनेरी मैनेचे सोनेरी गाणे
    सोन्याची केळी, सोन्याचा

    पेरू
    सोनेरी आंब्याला सोन्याची कैरी !

    देवाच्या घरात गुलाबाची लादी
    मऊमऊ ढगांची अंथरली गादी
    चांदण्यांची हंडी, चांदण्यांची भांडी
    चांदोबाचा दिवा मोठा लावला वरी !


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems