गदिमांची चित्रपटगीते शब्द | Marathi Film Song Lyrics
  •  
  • Box-C-30
  • उगी उगी गे उगी
  • Ugi Ugi Re Ugi Ugi
  • ग.दि.माडगूळकर(गदिमा) | Ga.Di.Madgulkar


  •  

    उगी उगी गे उगी
    आभाळातून खाली येते चांदोबाची पहा बगी

    ढगावरून ती चाले गाडी
    शुभ्र पांढरी जरा वाकडी
    ससा सावळा धावत ओढी
    असली अद्भुत गाडी कुठली रडणार्‍यांच्या कुढ्या जगी

    चांदोबाच्या बघ माथ्यावर
    निळसर काळी छत्री सुंदर
    नक्षत्रांची तिजसी

    झालर
    हसणार्‍यांच्या घरी पिकवितो सर्व सुखाची चंद्रसुगी

    उगी, पहा तो खिडकियात
    चांदोबाचा आला हात
    स्‍नात आईचा जणु दुधात
    घे पापा तू त्या हाताचा भरेल इवले पोट लगी


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems