गदिमांची चित्रपटगीते शब्द | Marathi Film Song Lyrics
  •  
  • Box-C-30
  • उडाला राजहंस गगनात
  • Udala Rajhans Gaganat
  • ग.दि.माडगूळकर(गदिमा) | Ga.Di.Madgulkar


  •  

    उडाला राजहंस गगनात
    सांगितलेल्या कथा तयांच्या रुणझुणती कानात

    अधीर पापण्या उंच उभारून
    हंसामागे गेले लोचन
    भर दिवसा ये जग अंधारून
    जागेपणी मी फिरते बाई कोणा सुखस्वप्‍नात

    राजकन्यके सखि दमयंती
    बोलतेस तू कुणा संगती
    सख्या मैत्रिणी कोणी न दिसती


    कसली बाधा तुला झाली येथे उद्यानात

    या बाधेचा बोध न झाला
    अजुनी माझ्या तरूण मनाला
    नकोस सांगू तूही कुणाला
    प्रासादाची वाट विसरले ने मजसी सदनात


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems