गदिमा नवनित
  • प्रजा रंजवीतों सौख्यें तोच एक राजा
    हेंच तत्व मजसी सांगे राजधर्म माझा
    प्रजा हीच कोटी रूपें मला ईश्वराचीं
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • उमा म्हणे यज्ञी माझे जळाले माहेर
  • Uma Mhane Yadni Maze
  • ग.दि.माडगूळकर(गदिमा) | Ga.Di.Madgulkar


  •  

    मानभंग हाचि झाला मंडपी आहेर
    उमा म्हणे, यज्ञी माझे जळाले माहेर

    माहेरीच्या सोहळ्यात, नाहि निमंत्रिले जामात
    चहू दिशी चालू होते संपदेचे थेर

    लक्ष्मीचे जमले दास, पुसे कोण वैराग्यास
    लेक पाठीचीही झाली कोपर्‍यात केर

    आईबाप, बंधुबहिणी, दारिद्र्यात नसते कोणी
    दीन दानतीचे सारे धनाचे कुबेर

    दक्षसुता जळली मेली, नवे रूप आता ल्याली
    पित्याघरी झाला ऐसा दिव्य पाहुणेर

    परत सासुर्‍याशी जाता, तोंड कसे दावू नाथा
    बोल ईश्वराचे झाले सत्य की अखेर

    प्राणनाथ करिती वास, स्वर्गतुल्य तो कैलास
    नाचतात सिद्धी तेथे धरूनिया फेर

    असो स्मशानी की रानी, पतीगृही पत्नी राणी
    महावस्त्र तेथे होते सतीचे जुनेर


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी-कविता | Related Songs-Poems