गदिमांची चित्रपटगीते शब्द | Marathi Film Song Lyrics
  •  
  • Box-C-30
  • ऊठ ऊठ पंढरीनाथा
  • Ooth Ooth Pandharinatha
  • ग.दि.माडगूळकर(गदिमा) | Ga.Di.Madgulkar


  •  

    ऊठ ऊठ पंढरीनाथा ऊठ बा मुकुंदा
    उठ पांडुरंगा देवा पुंडलिक वरदा

    अस्त पातलासे चंद्रा, तारका विझाल्या
    फुलत फुलत वेलीवरच्या कळ्या फुले झाल्या
    जाग पाखरांना आली, जाग ये सुगंधा

    पात्र पाणियाचे हाती उभी असे भीमा
    दर्शनास आले तुझिया ज्ञानदेव, नामा


    भक्‍तराज चोखामेळा दुरून देई सादा

    देह-भाव मिळुनी केला काकडा मनाचा
    निघून धूर गेला अवघ्या आस-वासनांचा
    ज्ञानज्योत चेतविली ही उजळण्या अवेदा


गदिमा गौरव | Special Quotes
  • पु.भा.भावे
    'मंतरलेल दिवस' वाचून झाले,मस्ती अजून आहे.यातल्या व्यक्ती,स्थळं,उगीचच पुनः पुन्हा डोळ्यांसमोर येतात.अस्वस्थ करतात.चांगलं काही वाचल्यानंतर हे असंच होतं.तीच त्यांच्या सामर्थ्याची पावती.शब्दाशब्दात सातारी मातीचा कस आहे.दुसरे काही बिघडले तरी माडगूळकरांचे आत्मकथनपर लिहिणे कधीही बिघडत नाही !.
संबंधीत गाणी-कविता | Related Songs-Poems