गदिमा नवनित
  • एक धागा सुखाचा, शंभर धागे दु:खाचे
    जरतारी हे वस्त्र माणसा, तुझिया आयुष्याचे
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • एक फुलले फूल
  • Ek Phulale Phul
  • ग.दि.माडगूळकर(गदिमा) | Ga.Di.Madgulkar


  •  

    एक फुलले फूल आणि फुलून नुसते राहिले
    त्या कुणी ना पाहिले, त्या कुणी ना पाहिले

    मंद अगदी गंध त्याचा, मंद इवले डोलणे
    साधले ना, मुळि तयाला नटुनथटुनी नाचणे
    कोवळे काळिज त्याचे परि कुणिसे मोहिले

    त्या 'कुणा'ला काय ठावी या फुलाची आवडी
    तो न आला या दिशेला वाट करुनी वाकडी
    या फुलाला मात्र दिसली दुरुन त्याची पाऊले

    एक दुसरे फूल त्याने खुडुन हाती घेतले
    या फुलाचे जळून गेले भाव उभरे आतले
    करपली वेडी अबोली दुःख देठी राहिले


गदिमा गौरव | Special Quotes
  • पु.भा.भावे
    'मंतरलेल दिवस' वाचून झाले,मस्ती अजून आहे.यातल्या व्यक्ती,स्थळं,उगीचच पुनः पुन्हा डोळ्यांसमोर येतात.अस्वस्थ करतात.चांगलं काही वाचल्यानंतर हे असंच होतं.तीच त्यांच्या सामर्थ्याची पावती.शब्दाशब्दात सातारी मातीचा कस आहे.दुसरे काही बिघडले तरी माडगूळकरांचे आत्मकथनपर लिहिणे कधीही बिघडत नाही !.
संबंधीत गाणी-कविता | Related Songs-Poems