गदिमांची चित्रपटगीते शब्द | Marathi Film Song Lyrics
  •  
  • Box-C-30
  • ओळखिले मी तुला नाथा
  • Olakhile Me Tula Natha
  • ग.दि.माडगूळकर(गदिमा) | Ga.Di.Madgulkar


  •  

    ओळखिले मी तुला नाथा, ओळखिले मी तुला
    कुरूप सांवळ्या मूर्तिमधला देवपणा जाणिला

    सौधावरती पडे चांदणे
    अर्ध्या मिटल्या माझ्या नयने
    टिपले कण ते अधिरपणाने
    सतार अंकी घेउनिया तू अनुरागची छेडिला !

    कला करी तव, उदारता मनि
    भीती बसली अंति पूजनी


    तव सहवासी मधु दिनरजनी
    काल सुगंधित, देह सुगंधित, सुगंध उरी दाटला !

    तुझ्यासारखा नाथ असावा
    तुझ्या छातीवर घेत विसावा
    उरलासुरला राग हसावा
    ठसा मूर्तिचा तुझ्या सानसा पोटी मी गोपिला !


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी-कविता | Related Songs-Poems