गदिमांची चित्रपटगीते शब्द | Marathi Film Song Lyrics
  •  
  • Box-C-30
  • आंधळ्यांनी का म्हणावे
  • Andhalyanni Ka Mhanave
  • ग.दि.माडगूळकर(गदिमा) | Ga.Di.Madgulkar


  •  

    बोलु दे लोकां हवे ते, काय लोकांना कळे ?
    आंधळ्यांनी का म्हणावे प्रेम असते आंधळे ?

    प्रेमवेडा मोर नाचे प्रेमरंगी कौतुके
    पंख तितुके नेत्र होती स्वर्गही खाली झुके
    प्रेमिकांचे विश्व आहे विश्वाहुनी या वेगळे
    आंधळ्यांनी का म्हणावे प्रेम असते आंधळे ?



    जन्म कैलासात घेते, घे उडी जी भूतळी
    सागरासी अचुक मिळते ती नदी का आंधळी ?
    परत फिरतो ओघ का तो लोक निंदेच्या बळे
    आंधळ्यांनी का म्हणावे प्रेम असते आंधळे ?

    माझिया प्रेमांधतेला सूर्यचंद्राची दिठी
    आडवे येवोत कोणी मी तुझी रे शेवटी
    बंधने देहास कोटी प्राण माझे मोकळे
    आंधळ्यांनी का म्हणावे प्रेम असते आंधळे ?


गदिमा गौरव | Special Quotes
  • कविवर्य बा.भ.बोरकर:
    आदिकवी वाल्मीकीने आपल्या स्वतंत्र सौंदर्यदृष्टीने विधात्याच्या सूक्ष्म आणि स्थूल सृष्टीतून नेमके सौंदर्य टिपून काढून त्यातून आपली रामकथा रचली.त्याचप्रमाणे कविश्री माडगूळकरांनी वाल्मीकीच्या काव्यसृष्टीतले वेचीव सौंदर्य आपल्या स्चयंभू प्रतिभेने बिनचूकपणे निवडले आहे.गीतरामायणातली काही गीते रामायणासारखीच चिरंजीव होऊन राहतील आणि त्याचबरोबरच माडगूळकरांचे -माझ्या बंधुतुल्य मित्राचे-नाव देखील.
संबंधीत गाणी-कविता | Related Songs-Poems