गदिमांची चित्रपटगीते शब्द | Marathi Film Song Lyrics
  •  
  • Box-C-30
  • कधी मी पाहीन ती पाऊले
  • Kadhi Mi Pahin Ti Paule
  • ग.दि.माडगूळकर(गदिमा) | Ga.Di.Madgulkar


  •  

    सामर्थ्याहून समर्थ निष्ठा, अशक्य तिजसी काय ?
    पडे अहल्या शिळा, त्यास्थळी येतील प्रभूचे पाय !
    कधी मी पाहीन ती पाऊले ?

    पाहिन केव्हा तो सोहळा
    प्रभू चरणांचा स्पर्ष कपाळा
    आनंदाश्रू झरतील डोळां
    भाग्यच माझे दिसेल मजसी मूर्त उभे ठाकले !



    रणांत जिंकुन कौरवसेना
    यश सिद्धीच्या करित गर्जना
    अभये अर्पीत साधुसज्जना
    पाच प्राणसे येतिल पांडव विजयाने न्हाले !

    मारून रावण कपटी कामी
    अशोकवनि या येतील स्वामी
    वाहणार हे पदीं प्राण मी
    भेटीसाठी अशा अलौकीक कालचक्र थांबले !

    देवाहूनहि समर्थ भक्‍ती
    स्वरात माझ्या अमोघ शक्‍ती
    सुफलित व्हाया माझी उक्‍ती
    पंचकन्यका अर्पण करिती पुण्य मला आपले


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी-कविता | Related Songs-Poems