गदिमांची चित्रपटगीते शब्द | Marathi Film Song Lyrics
  •  
  • Box-C-30
  • कबिराचे विणतो शेले कौसल्येचा राम
  • Kabirache Vinato Shele
  • ग.दि.माडगूळकर(गदिमा) | Ga.Di.Madgulkar


  •  

    कबिराचे विणतो शेले कौसल्येचा राम
    भाबड्या या भक्‍तासाठी देव करी काम !

    एक एकतारी हाती भक्‍त गाई गीत
    एकएक धागा जोडी जानकीचा नाथ
    राजा घनश्याम !

    दास रामनामी रंगे राम होइ दास
    एकएक धागा गुंते रूप ये पटास
    राजा

    घनश्याम !

    विणुन सर्व झाला शेला पूर्ण होइ काम
    ठायिठायि शेल्यावरती दिसे रामनाम
    राजा घनश्याम !

    हळुहळु उघडी डोळे पाहि जो कबीर
    विणूनिया शेला गेला सखा रघुवीर
    कुठे म्हणे राम ?


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems