गदिमा नवनित
  • आईलाही विसरुन जाती या देशातील पिले अडाणी,चल सोडून हा देश पक्षिणी!
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • काजवा उगा दावितो दिवा
  • Kajawa Uga Dawito Diwa
  • ग.दि.माडगूळकर(गदिमा) | Ga.Di.Madgulkar


  •  

    अंधारच मज हवा, काजवा उगा दावितो दिवा

    काळे पातळ, काळी चोळी, भुवयांमध्ये रेखा काळी
    काळा शेला पांघरले मी पाणकळ्याची हवा

    नको काजव्या संगे येऊ, नको कमळणी रोखुन पाहू
    अरे पारव्या प्रीतभेटिचा प्रकार तुज का नवा

    दूर नदीच्या पल्याड माझा, उभा राहिला असेल राजा
    अशा चोरट्या भेटीमधला अवीट हो गोडवा

    या पायांच्या दाही बोटा, अंधारातहि दिसती वाटा
    या मेघांनो आभाळातील काळेपण वाढवा


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems