गदिमा नवनित
  • चंदनी चितेत जळला चंदन,
    सुगंधे भरुन मर्त्यलोक!.
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • कानडा राजा पंढरीचा
  • Kanada Raja Pandharicha
  • ग.दि.माडगूळकर(गदिमा) | Ga.Di.Madgulkar


  •  

    कानडा राजा पंढरीचा
    वेदांनाही नाही कळला अंतपार याचा

    निराकार तो निर्गुण ईश्वर
    कसा प्रकटला असा विटेवर
    उभय ठेविले हात कटिवर, पुतळा चैतन्याचा

    परब्रह्म हे भक्तांसाठी
    मुके ठाकले भीमेकाठी
    उभा राहिला भाव सावयव, जणु की पुंडलिकाचा

    हा नाम्याची खीर चाखतो
    चोखोबांची गुरे राखतो
    पुरंदराचा हा परमात्मा, वाली दामाजीचा


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems